તારી જુદાઈ તરખાટ મચાવી ગઇ
જીવનથી તારી વિદાય,એક આઘાત સર્જી ગઇ.
પલ્લવ સમા મારા હદયને પાષાણ કરી ગઇ.
પલ્લવ સમા મારા હદયને પાષાણ કરી ગઇ.
તારી જુદાઈ તરખાટ મચાવી ગઇ.
અનંત અનુબંધને ક્ષણમાં તોડી,
અનાવીલ સ્નેહની ઠેકડી કરી ગઇ.
અનાવીલ સ્નેહની ઠેકડી કરી ગઇ.
તારી જુદાઈ તરખાટ મચાવી ગઇ
વીતે છે હર ક્ષણ પ્રકાશવર્ષ સમ,
કદીના ખુટે એવો સમય આપી ગઇ,
કદીના ખુટે એવો સમય આપી ગઇ,
તારી જુદાઈ તરખાટ મચાવી ગઇ.
ભસ્મીભૂત કરવા મથી રહી જે મને,
સ્નેહની સુંવાળી જ્યોતને દાવાનળ કરી ગઇ,
સ્નેહની સુંવાળી જ્યોતને દાવાનળ કરી ગઇ,
તારી જુદાઈ તરખાટ મચાવી ગઇ
સંભાવનાના ક્ષિતિજોને ખોળે છે "ભેેરૂ "
અનંતને પણ લજવે એવી ઇંતેજારી આપી ગઇ.
અનંતને પણ લજવે એવી ઇંતેજારી આપી ગઇ.
તારી જુદાઈ............
પ્રદીપ પરમાર "ભેેરૂ"
No comments:
Post a Comment