આ જીંદગી

લહેરાય ક્યારેક લીલોતરીને ઓથે,
તો, ક્યારેક સુકીભઠ બની જાય આ જીંદગી

રેલાય ક્યારેક કોકિલ કુંજન સમ,
તો, ક્યારેક વાયસ થઈ કરી જાય કકળાટ
આ જિંદગી

વરસે ક્યારેક બની વસંતની વણજાર,
તો, ક્યારેક બાંધી જાય પાનખરના તોરણ આ જીંદગી,

આપી જાય ક્યારેક આનંદનો અવસર ,
તો, કયારેક માતમ ને ય પરણી જાય આ જીંદગી

દાખવે ક્યારેક કુંપળો કેરી કોમળતા,
તો, ક્યારેક ધ્રાંગ બની આપી જાય પછડાટ આ જીંદગી

કોણ જાણી શક્યું છે "ભેેરૂ " આ સજીવ સંવેદન ને,
હરરોજ મોત, ને ક્યારેક, જીંદગી બની જાય આ જીંદગી.

પ્રદીપ પરમાર "ભેેરૂ "